പത്തനംതിട്ട: പാലക്കാട് നിയമസഭാ മണ്ഡലത്തിലെ യുഡിഎഫ് സ്ഥാനാര്‍ഥി രാഹുല്‍ മാങ്കൂട്ടത്തിലിന്റെ പ്രചാരണവീഡിയോ സിപിഎമ്മിന്റെ ഫെയ്‌സ് ബുക്ക്‌ പേജിൽ. പാലക്കാട് എന്ന സ്‌നേഹ വിസ്മയം’ എന്ന അടിക്കുറിപ്പോടെയാണ് വിഡിയോ ഫെയ്‌സ്ബുക്ക് പേജില്‍ പ്രത്യക്ഷപ്പെട്ടത്. അബദ്ധം പിണഞ്ഞതോടെ 63,000 ഫോളോവേഴ്‌സുള്ള പേജില്‍ നിന്ന് വിഡിയോ രാത്രി തന്നെ നീക്കി. സിപിഎമ്മിന്റെ ഔദ്യോഗിക ഫെയ്‌സ്ബുക്ക് പേജ് അല്ലെന്നാണ് സിപിഎമ്മിന്റെ വിശദീകരണം. വിഡിയോ വന്നത് വ്യാജ ഫെയ്‌സ്ബുക്ക് അക്കൗണ്ടിലാണെന്ന് സിപിഎം ജില്ലാ സെക്രട്ടറി കെപി ഉദയഭാനു പറഞ്ഞു.

വിഡിയോ സിപിഎം ഫെയ്‌സ്ബുക്ക് പേജില്‍ പ്രചരിച്ചതില്‍ പരാതി നല്‍കുമെന്നും ഉദയഭാനു പറഞ്ഞു. രാഹുലും സംഘംവും ചേര്‍ന്ന് സിപിഎമ്മിന്റെ പേജ് ഹാക്ക് ചെയ്തതാണെന്നും എസ്പിക്ക് പരാതി നല്‍കുമെന്നും ജില്ലാ സെക്രട്ടറി ഉദയഭാനു പറഞ്ഞു. രാഹുല്‍ മാങ്കൂട്ടത്തില്‍ പത്തനംതിട്ട സ്വദേശിയാണ്.